Atodiadau

Atodiad A: Acronymau

GSS IDSC – Is-bwyllgor Data Cynhwysol Gwasanaeth Ystadegol y Llywodraeth

IDTF – Tasglu Data Cynhwysol

NSIDAC – Pwyllgor Cynghori ar Ddata Cynhwysol yr Ystadegydd Gwladol

MARP – Panel Adolygu Sicrwydd Methodolegol

Atodiad B: Statws Coch Melyn Gwyrdd ar gyfer pob Egwyddor Data Cynhwysol

Ynglŷn ag Egwyddor 1:

Creu amgylchedd o ymddiriedaeth a dibynadwyedd sy’n galluogi ac yn annog pawb i gyfrif a chael eu cyfrif yn nata a thystiolaeth y DU.

O’r 37 o ymrwymiadau a fapiwyd i Egwyddor 1, aseswyd bod 81% wedi’u cwblhau (65%) neu ar y trywydd cywir (16%) a nodwyd bod 19% naill ai wedi cael eu hoedi (14%) neu wedi cael eu hoedi’n sylweddol neu’u gohirio dros dro (5%).

Sail: 37 o brosiectau ymrwymiad y Tasglu wedi’u mapio i EDC1

Ynglŷn ag Egwyddor 2:

Defnyddio dull system gyfan, gan weithio mewn partneriaeth ag eraill i wneud data a thystiolaeth y DU yn fwy cynhwysol.

O’r 44 o ymrwymiadau o dan Egwyddor 2, roedd 84% wedi’u cwblhau (75%) neu ar y trywydd cywir i’w cyflawni (9%) tra bod 16% wedi cael eu hoedi (14%) neu wedi cael eu hoedi’n ddifrifol/gohirio dros dro (2%), fel y dangosir yn Ffigur 10.

Sail: 44 o brosiectau ymrwymiad data cynhwysol wedi’u mapio i EDC2

Ynglŷn ag Egwyddor 3:

Sicrhau y caiff gwybodaeth am bob grŵp ei chofnodi mewn perthynas ag agweddau allweddol ar fywyd yn nata’r DU, ac adolygu arferion yn rheolaidd.

Mae 70 o ymrwymiadau o dan Egwyddor 3, sy’n awgrymu bod mwy o weithgarwch yn digwydd yn y maes hwn nag mewn unrhyw faes arall. Er bod 87% o ymrwymiadau yn y maes hwn wedi’u cwblhau (46%) neu ar y trywydd cywir (41%), aseswyd bod 7% wedi cael eu hoedi’n sylweddol neu’u gohirio dros dro (coch), fel y dangosir yn Ffigur 11.

Sail: 70 o ymrwymiadau’r Tasglu wedi’u mapio i EDC3

Ynglŷn ag Egwyddor 4:

Gwella seilwaith data’r DU fel bod modd dadgyfuno data a dadansoddi croestoriadau, a hynny mewn ffordd gadarn a dibynadwy, ar gyfer yr ystod lawn o grwpiau a phoblogaethau perthnasol, ac ar lefelau gwahanol o ddaearyddiaeth.

Mae 51 o ymrwymiadau o dan Egwyddor 4. Mae Ffigur 12 yn dangos bod 88% o ymrwymiadau o dan EDC 4 wedi’u cwblhau (55%) neu ar y trywydd cywir i’w cyflawni (33%) tra bod 12% wedi cael eu hoedi (10%) neu wedi cael eu hoedi’n sylweddol/gohirio dros dro (2%).

Sail: 51 o ymrwymiadau’r Tasglu wedi’u mapio i EDC4

Ynglŷn ag Egwyddor 5:

Sicrhau bod y cysyniadau a gaiff eu mesur yn yr holl ddata a gesglir yn briodol ac yn eglur.

Mae 36 o ymrwymiadau o dan Egwyddor 5. Mae Ffigur 13 yn dangos bod y rhan fwyaf o ymrwymiadau (94%) wedi’u cwblhau neu’n wyrdd (47% yr un) tra bod 6% wedi cael eu hoedi (3%) neu wedi cael eu hoedi’n ddifrifol/gohirio dros dro (3%).

Sail: 36 o ymrwymiadau’r Tasglu wedi’u mapio i EDC5

Ynglŷn ag Egwyddor 6:

Ehangu’r amrywiaeth o ddulliau a ddefnyddir fel mater o drefn a chreu dulliau newydd o ddeall profiadau holl boblogaeth y DU.

Mae 32 o ymrwymiadau o dan Egwyddor 6. Mae Ffigur 14 yn dangos dosbarthiad yr ymrwymiadau yn ôl eu statws Coch Melyn Gwyrdd. Roedd y rhan fwyaf o’r ymrwymiadau naill ai wedi’u cwblhau (50%) neu’n wyrdd (34%). Ni ddyfarnwyd statws coch i unrhyw ymrwymiad, fel yn achos Egwyddor 6. Fodd bynnag, roedd 16% wedi cael eu hoedi.

Sail: 32 o ymrwymiadau wedi’u mapio i EDC6

Ynglŷn ag Egwyddor 7:

Dylai safonau wedi’u cysoni ar gyfer grwpiau a phoblogaethau perthnasol gael eu hadolygu o leiaf bob pum mlynedd a’u diweddaru a’u hehangu lle bo angen, yn unol â newidiadau mewn normau cymdeithasol ac anghenion ymatebwyr a defnyddwyr.

Mae 23 o ymrwymiadau o dan Egwyddor 7. Mae Ffigur 15 yn dangos dosbarthiad yr ymrwymiadau yn ôl eu statws Coch Melyn Gwyrdd. Roedd 91% o’r ymrwymiadau wedi’u cwblhau (61%) neu’n wyrdd (30%).

Sail: 23 o ymrwymiadau wedi’u mapio i EDC7

Ynglŷn ag Egwyddor 8:

Sicrhau bod data a thystiolaeth y DU yr un mor hygyrch i bawb, gan ddiogelu manylion adnabod a chyfrinachedd y rhai sy’n rhannu eu data.

Mae 46 o ymrwymiadau o dan Egwyddor 8. Mae Ffigur 16 yn dangos dosbarthiad yr ymrwymiadau yn ôl eu statws Coch Melyn Gwyrdd. Roedd 98% o’r ymrwymiadau wedi’u cwblhau (52%) neu ar y trywydd cywir (46%). Ni ddyfarnwyd statws coch i unrhyw ymrwymiad ac aseswyd bod 2% wedi cael eu hoedi (melyn).

Sail: 46 o ymrwymiadau wedi’u mapio i EDC 8

Atodiad C: Dulliau ymchwil a ddefnyddiwyd i ddeall y ffactorau sydd wedi cyfrannu at statws ‘coch’ neu ‘felyn’ a chynlluniau i oresgyn rhwystrau i gynnydd

Y dull a ddefnyddiwyd i gynnal dadansoddiad thematig o’r rhesymau dros statws ‘coch’ neu ‘felyn’

Gan ddefnyddio dull dadansoddi thematig diddwythol, cafodd themâu cychwynnol eu nodi gan adeiladu ar ddadansoddiad o ddata tebyg o’r flwyddyn flaenorol ac roedd cyfle i themâu ychwanegol ddod i’r amlwg o’r flwyddyn adrodd gyfredol. Roedd defnyddio diweddariadau’r flwyddyn flaenorol wedi helpu i gyd-destunoli’r data mwy diweddar a oedd yn gofyn i berchnogion ymrwymiadau ddarparu ‘llwybr tuag at statws gwyrdd’ yn hytrach nag esbonio’n benodol pam bod y gwaith wedi cael statws coch neu felyn.

Codau

‘Label’ a gaiff ei gymhwyso i air, ymadrodd, brawddeg neu ran o destun yw cod. Mae’n ffordd o gategoreiddio a rhannu’r data yn unedau llai er mwyn llunio cymariaethau defnyddiol rhwng achosion.

Dangosir y codau o’r dadansoddiad yn y tabl isod:

O Godau i Themâu

Dull: Cynhaliodd tri dadansoddwr weithdy mewnol i ddatblygu themâu ar sail y codau.

Cafodd y codau eu categoreiddio yn themâu fel y dangosir yn y tabl isod:

Dull o ddeall cynlluniau i oresgyn rhwystrau i gynnydd yn y dyfodol

Defnyddiwyd dadansoddiad thematig o adborth gan ddeiliaid ymrwymiadau i ddeall cynlluniau ar gyfer ymrwymiadau coch neu felyn yn y dyfodol. Mewn rhai achosion (7 ymrwymiad), roedd yr ymateb cychwynnol a ddarparwyd yn niweddariad Chwarter 4 yn cynnwys gwybodaeth fanwl am gynlluniau i roi’r prosiect ar y trywydd cywir unwaith eto a/neu ei gwblhau. Ar gyfer 11 prosiect arall, cafodd y data a gasglwyd drwy’r diweddariad blaenorol eu hategu gan drafodaeth â deiliad yr ymrwymiad i gael mwy o fanylion.

Lle nad oedd y diweddariad yn cynnwys digon o fanylion i wneud hyn, anfonwyd arolwg at berchnogion yr ymrwymiadau i gasglu rhagor o wybodaeth am gynlluniau i barhau â’r gwaith neu’i gwblhau (h.y., ‘llwybr at statws gwyrdd’). Cafwyd data ar 15 o brosiectau ymrwymiad drwy’r arolwg.  Roedd y data a gasglwyd drwy’r dulliau amrywiol hyn wedi helpu i roi darlun cyfannol o gynlluniau ar gyfer dyfodol prosiectau’r Tasglu yr aseswyd eu bod yn felyn neu’n goch.

Atodiad D: Diffiniadau

Ymrwymiadau

Diffiniad: Ymrwymiadau yw mentrau y mae adrannau’r llywodraeth a sefydliadau anllywodraethol wedi dweud y byddant yn eu cyflawni. Mae pob ymrwymiad yn perthyn i Egwyddor Data Cynhwysol. (Ymateb gan yr Ystadegydd Gwladol i’r Tasglu Data Cynhwysol Adroddiad ac argymhellion)

Egwyddor Data Cynhwysol (Egwyddor)

Diffiniad: Yn cyfeirio at un o’r wyth Egwyddor Data Cynhwysol. Mae pob un yn cynnwys argymhellion penodol i wella seilwaith data cynhwysol y DU (Gadael neb ar ôl: Sut y gallwn fod yn fwy cynhwysol yn ein data).

Statws Coch Melyn Gwyrdd

Diffiniad: Statws Wedi cwblhau, Coch, Melyn, Gwyrdd. Statws goddrychol yw hwn ac mae’n seiliedig ar wybodaeth gan berchnogion ymrwymiadau.

Ymrwymiadau allweddol

Diffiniad: Ymrwymiadau allweddol yw’r rhai sy’n deillio o Gynllun Gweithredu’r Tasglu yn 2022. Y rhain oedd y mentrau mawr (llinynnau gwaith, prosiectau, rhaglenni) a allai wneud newid sylweddol i gynwysoldeb data ledled y DU.

Ymrwymiadau nad ydynt yn allweddol

Yn cyfeirio at ymrwymiadau eraill nad ystyriwyd eu bod yn allweddol.